హాయ్ ఫ్రెండ్స్ నా పేరు నయార. కలలు కనండి వాటిని సాకారం చేసుకోండి అని మన అబ్దుల్ కలాం గారు చెప్పారు. మనమందరం ఎన్నో కలలు కంటాము కానీ వాటిని కొంతమంది మాత్రమే సాకారం చేసుకోగలరు. ఎంతో మంది కలలు కలలుగానే మిగిలిపోతూ ఉంటాయి.

అలా కలలను సాకారం చేసుకోలేని వాళ్ళలో నేను కూడా ఉన్నాను. అసలు నా కలలేమిటంటే? నేను 2nd క్లాస్ లో ఉన్నప్పుడు మా అన్నయ్య కరాటే నేర్చుకుంటూ ఉండేవాడు. దాని వల్ల స్కూల్ లో తనని అందరూ ప్రత్యేకంగా చూడడం స్టార్ట్ చేశారు. నేను అది గమనించి నేను కూడా కరాటే నేర్చుకుంటాను అని మా పేరెంట్స్ ని అడిగాను. 

చిన్నపిల్లవి కదా ఇప్పుడు వద్దులే అని మొదట అన్నా నేను పట్టువదలక పోయేసరికి ఒప్పుకున్నారు. ఒక్కగానొక్క కూతుర్ని కదా! నేనేం అడిగినా వాళ్ళు కాదనలేరు అనే విషయం నాకు బాగా తెలుసు. అలా చాలా ఇంట్రెస్ట్ గా కరాటే నేర్చుకోవడం స్టార్ట్ చేసాను నన్ను కూడా స్కూల్ లో మా అన్న కంటే ఎక్కువగా ప్రత్యేకంగా చూడడం స్టార్ట్ చేశారు.

కొంత కాలానికి నాకో ఆలోచన వచ్చింది. మార్షల్ ఆర్ట్స్ నేర్చుకుంటుంటేనే ఇలా చూస్తున్నారు అదే మార్షల్ ఆర్ట్స్ ట్రైనర్ ని అయితే ఇంక మన లెవెల్ ఎలా ఉంటుందో కదా అని అనుకున్నాను. అంతే ఆ రోజు నుండి నాది ఒకటే కల ఎలాగైనా కరాటే ట్రైనర్ ని కావాలి అని.

1st Achievement:

6th క్లాస్ లో నాకు బ్లాక్ బెల్ట్ వచ్చింది. ట్రైనర్ అవ్వాలి అంటే దానికోసం ప్రత్యేకంగా మళ్ళీ కొంతకాలం ట్రైనింగ్ తీసుకోవాలి దానికి బాగా ఖర్చు అవుతుంది & పైగా ఈ ఏజ్ లో ట్రైనర్ కావడం కష్టం అన్నారు.

పైగా 7th క్లాస్ పబ్లిక్ ఎగ్జామ్స్ కావడంతో పూర్తి కాన్సంట్రేషన్ చదువు మీదకి మళ్ళింది. చదువుకోవాలి అంటే మార్షల్ ఆర్ట్స్ మీద నుండి పూర్తిగా ధ్యాస లేకుండా ఉండాలి, అలా అయితేనే నేను చదవగలను అని దానిగురించి పూర్తిగా ఆలోచించడం మానేసాను.

అంతే అలా పడిన బ్రేక్ మళ్ళీ తీయడానికి కుదరలేదు.

ఆ తర్వాత నేను 9th క్లాస్ చదువుతుండగా నా కలలు డాక్టర్ వి అయితే బాగుంటుందని చెప్పాయి, కానీ నేను చాలా చాలా సెన్సిటివ్. ఎవరికైనా చిన్న దెబ్బ తగిలితేనే చూసి తట్టుకోలేకపోయేదాన్ని అలాంటిది డాక్టర్ ని అయితే ఏక్సిడెంట్ అయిన వాళ్లకు సైతం ట్రీట్మెంట్ చేయాలి, ఆపరేషన్స్ కూడా చేయాలి, సో నా వల్ల కాదు అనిపించి ఆ కలకి కూడా పులుస్టాప్ పెట్టేసాను.